صدق او لا تصدق,ارواح شريره فى المدينه الجامعيه!

[لك عدت]

besmallah26.gif

الاحداث الموجوده فى هذه القصه احداث حقيقيه وقعت فى المدينه الجامعيه لبنات الازهر بمدينه نصر, للعام الدراسى 2009ـ2010 انا كنت شاهد عيان لكن انا مازلت عند قولى صدق او لا تصدق,ولولا انى رأيت بعينى ربما اخترت (لا اصدق).


ابطال القصه

1ـ (مى )3 اسنان مقيمه فى سنجل 402 بالدور الرابع(صحبتى ومن بلدنا)
2ـ (جهاد ) 3 اسنان مقيمه فى سنجل 402 بالدور الرابع (صحبة مى )
3ـ(الزهراء )4 بشرى مقيمه فى سنجل مقابل لسنجل 402 بالدور الرابع(من دفعتنا )
4ـ(اسماء ) لا اعرف عنها اكثر من اسمها
5ـ(اخت اسماء )
6ـ(انا ) ضيفة شرف 4 بشرى مقيمه فى غرفه 222 بالدور الثانى.


مكان احداث القصه

مبنى السيده زينب ــ الشهير بمبنى (ج) ــ
سنجل 402

ماذا يعنى سنجل

مبدئيا اعرفكم ماذا تعنى كلمه سنجل ؟
الدور الواحد مقسم الى شقق والشقه الواحده مقسمه الى غرفتان بينهما سنجل وبلكون بطول الشقه باكملها.
السنجل :من المنطقى ان كلمه سنجل توحى بوجود شخص واحد لكن هناك شخصان لان السرير بدورين فهو عباره عن غرفه صغيره تحتوي على سرير بدورين ومكتب ودولاب درفه واحده,ومن حوالى 10 اعوام كان هذا السنجل حمام لكن عندما كثر العدد حولوا الحمامات الى غرف (شئ من نصاحة المصرين )

القصه

الترم الاول

فى بدايه العام الدراسى اتفقت كل من (مى وجهاد )على ان تاخذ (مى )فى الترم الاول السرير الاسفل و(جهاد) السرير الاعلى وفى الترم الثانى يتبادلا الاسره .
كل من (مى وجهاد )لا تعرفان (الزهراء) حتى طرقت عليهم الباب ذات يوم وقالت لهم لقد كنت فى العام الماضى مقيمه فى هذا السنجل اما هذا العام فانا فى السنجل المقابل .

(جهاد) لا تنام و(مي) تعانى من أّلام فى الظهر

بعد مرور اسابيع من بدايه العام الدراسى اصيبت جهاد بأرق استمر معها 4 ايام بدون نوم اطلاقا وهناك احداث غريبه تحدث مع (جهاد) وفضلت كتمانها عن (مى) حتى لا تخوفها .
في نفس الوقت (مي) تنام فعلا ولكن تقوم بألم شديد فى ظهرها فى البدايه كانت تظنه مجرد تعب لكن مابال الكوابيس التى تراها ولكنها فضلت كتمانها عن (جهاد) حتى لا تخوفها .
وفى اليوم الرابع بدون نوم اقترحت جهاد على مى ان تنام هى هذه الليله فى السرير السفلى لعلها تنام !
وافقت مى. وبالفعل نامت جهاد ولكن فى الصباح .......كانت المفاجئه
سألت مى :هل نمت يا جهاد ؟
جهاد:نعم ولكن لا اعرف لماذا يألمنى ظهري,وانت هل نمت؟
مى :لا لم انم طوال الليل,جهاد, اشعر ان هناك شئ غير عادى, طول الليل اشعر بخوف داخلى لااعرف سببه
جهاد :هذا الخوف دائما ينتابنى عندما اضع راسى على الوساده لكى انام واشعر بان هناك من يحاول خنقى ؟
وعلى العموم انا قررت عمل اجازه اذهب فيها الى منزلنا لعلى انام!؟

جهاد فى اجازه

بالفعل جهاد عملت اجازه ,واتت مى الى غرفتنا كزياره عاديه
(انا):كيف حال جهاد
(مى) :عملت اجازه,ولم تحكى لى اى تفاصيل.
(انا):خلاص سانام معك هذه الليله حتى لا تنامى بمفردك
ذهبت( انا ومى) الى السنجل وصعدت لانام على السرير العلوى (مكان جهاد) وبعد فتره من التقلبات على السرير نمت لكن ....سرعان ما استيقظت على صرخه عاليه,
(مى): ماذا بك ؟
(انا): ابدا عادى ,شعرت فجأه انى اتخنقت ,لعلى لم انم فى وضع صحيح!
اما بالنسبه ل( مى ) فالامر غير عادى.

رجوع جهاد من الاجازه

رجعت جهاد ورجعت ايضا للنوم بالسرير العلوى وفى ليله استيقظت مى على صرخه عاليه من جهاد
(مي) :خير يا جهاد
(جهاد) :كابوس يا مى ,رأيت فى منامى انك تريدين قتلى!!
(مى) اهدأى, هناك شئ غير طبيعى,اما انا فقد رايت وكأن هناك فى هذا الركن خلف الباب حيوان كبير على هيئة القط وان( الزهراء ) تقف امام الباب وبينى وبينها ماء مرشوش وتقول لى :هل انت خائفه يا (مى ),لا تخافى ومرى على هذه الماء؟

fasel08.jpg

الترم التانى

ومضى الترم الاول ومى وجهاد مازالوا يفكروا ما سر هذا السنجل؟؟
وفى الترم الثانى وعلى الاتفاق اخذت مى السرير العلوى اما جهاد اخذت السرير السفلى,وفى يوم من الايام ووقت اذان الفجر ,هناك من يطرق الباب ,فتحت جهاد الباب ,واذا باحدى زميلاتها تستعير المصليه,اعطتها جهاد المصليه ولكن ما ان تمددت جهاد على السريرفوجئت بوجود كائن غريب الشكل فى نفس الركن ؟!
انتظرت جهاد الصبح بفارغ الصبر ,وحكت لمى ماحدث ! فقالت (مى ) لعلها الملابس المعلقه .خلف الباب ,لا تشغلى بالك .
وفى ليله اخري استيقظت جهاد على ضراخ مى )
جهاد :ماذا بك يا مى
(مى ) رابتك تحاولين قتلى يا جهاد !!
لا بد ان نسأل (الزهراء ) ما سر هذا السنجل ؟


حوار بين مى والزهراء


(مى ): قلت لنا انك كنت في هذا السنجل العام الماضى؟
(الزهراء) :نعم
(مى) :فى اي سرير كنت تنامين؟
(الزهراء ):السرير العلوى,لكن ما سر هذه الاسئله ؟
(مى) :دائما انا وجهاد نرى كوابيس اثناء نومنا ,هل اصابك مثل هذا من قبل ؟
(الزهراء ):ابدا ,فانا اقرأ تبارك قبل النوم وربما نمت قبل ان اكملها.


جهاد قررت ترك المدينه


(جهاد ):ساعمل اخلاء واكمل ما تبقى والامتحانات فى منزلنا !السفر اهون على من هذا الرعب؟
(مى): ابلغتنى المشرفه ان هناك بنت (اسماء ) من مبنى اخر ستأتى مكانك لان اختها فى هذا المبنى,وكانت تنتظر خلو مكان !
(جهاد ):لا تقولى لاسماء شئ حتى لا تظن اننا نريد (تطفيشها )
(مى ):على العموم سارجع لسريرى واعطيها السرير العلوى وايام وسأعمل اجازه ما قبل الامتحانات ! والامتحانات ساقضيها فى 222.


مي بعد اجازه المذاكره

قضت (مى )معنا فى 222 الامتحانات لكن كانت لوازمها ما تزال فى السنجل ,وفي مره قابلت مى اسماء
ودار الحوار الاتى
(اسماء ):لقد طلبت من اختى النوم معى خلال فتره غيابك !ولكن هناك شئ غير عادى فى هذا السنجل !!
(مى) :بعد ضحك طويل ,ماذا رأيت؟
(اسماء) :نمت انا على سريرى ونامت اختى على سريرك ورأيت فى منامى ان اختى تحاول قتلى !وان هناك من يطرق الباب ,فمسكت اختى رجلى وقالت لى لا تفتحى الباب ,انها (الزهراء ) وكان هناك كائن غريب طويل جدا وجهه يشبه (الزهراء) وفى هذا الركن ؟
(مى ):هذا سر هروبنا من السنجل ؟؟
اسماء :انا ساذهب الى غرفة اختى ولن انام فيه ابدا .

حكت لى (مى ) هذه الحكايه عندما سالتنى ,هل تعرفى لماذا انا هنا معكم فى الغرفه 222 !

انتهت القصه

ولكن تبقى الاسئله, ليس لدى تفسير لما يحدث لمن ينام على السرير العلوى ؟وما سر رايته ان من ينام بالاسفل يريد قتله ؟ وما علاقة الزهراء بهذا السنجل ؟وهل لكونه مكان حمام له تاثير ؟
اريد ان اعرف ارائكم فى هذه القصه؟وهل لاحد منكم رد على هذه الاسئله ؟
انتظر تعليقاتكم ؟

[أبو يوسف]

بسم الله

أختي لك عدت القصة ده أنا حاسس ان ليها معني
الاول :ان المكان ألي هما ساكنين فيه كان حمام والكلية الله يسامحهم قلبوه سكن ليهم فلازم صحابك يحصنوا نفسهم منه وطبعا (الزهراء ) علشان حصنت نفسها مشافتش حاجة بس الظاهر انها اثرت في الجن أو الشيطان فـيصورها لكم انها قطة سوداء



أختي حصني الحمام ألي بقي سكن بالرقية التالية:بنية طرد الجان والشياطين

_ تلاوة آية الكرسي 3 مرات.

_ تلاوة سورة الزلزلة 3 مرات.

_ تلاوة سورة الهمزة 7 مرات.


أنا قرات هذا في أكثر من سايت والله أعلم

[لك عدت]

والله كلامك منطقى يا أخى
لان الزهراء ما شاء الله عليها من حفظة القران
واشكرك على جميع المواضيع الموضوعه ذات الصله بالموضوع ده
وتقبل الله طاعتكم وجزاك خير الجزاء

[Mohamed Fouad]

ازيك يا "لك عدت".
أنتى فتحتى موضوع مشكلة بصراحة و بما أن على حسب ما سمعت غلط اننا نجيب سيرة حاجة زى كدة ومعرفش ليه! بس سمعت والله أعلم

أنا كنت فى غربة بردة وكنت ساكن قدام البحر مباشرة و ياما سمعنا حكايات عن المواضيع دى فى فندق قصاد البحر وكان التفسير ايام الحرب كان فى معارك دامية فى المنطقة دى

وأنا شخصيا حصلت معايا بعض من الحاجات دى بالرغم من إنى كنت بقرأ المعوذتين و أيه الكرسى قبل ما أنام
وكنت بصحى وعنيا مفنجلة فجأة والاقى حد ماسكنى و مكلبشنى وأنا لانى عندى جداااا فبحاول انى ارفع ايدى وازق الشئ اللى ماسكنى دة بس غالبا مش بقدر ولكنى بقرأ قرأن فى مخى ومرة حسيت بصوت وأنا بقرأ القرأن وكانت الفاتحة صوت خافت جدا كانه صراخ ولكنه مش كدة بس اشبة ليه

ومرات أخرى يحصل معايا نفس الموضوع وأشوف على باب الاوضة شئ شبة البنى ادمين بايدية وراسة وكدة بس نص جسمة جوة الباب والنص التانى مش ظاهر كانه ورا الباب وباب الاوضة بيبقى مقفول طبعا و بيقدر يرمى بايدة شئ او يحرك ايدة بحركة كانة عمال يرمى عليا حاجة.
حتى سألت شيخ فى مسجد كنت بحبه أوى واحب احضر خطبة الجمعة بتاعتة ابتسم وقالى أقرا قرأن كتير ومفيش حاجة قلتلة والله بقرأ قبل ما أنام ايه الكرسى و المعوذتين فابتسم بردة كانه عادى يعنى مفيش حاجة طنش بس أقرا قرأن كتير فى المكان او فى الاوضة

فعادى الحاجات دى موجودة بس حصنى نفسك بالقرأن وإعملى رقية شرعية لنفسك انا كنت بعمل كدة أيامها
أه على فكرة فى الأيام دى حصلت بردة مرة واحدة بس وانا فى القاهرة فى بيتنا قلت دا قاصدنى بقى و مركز ورايا أعوذ بالله منهم

أهم حاجة تبقى ولا يهمك الكلام دة وسيبك يعنى ولما حصللى الكلام دة كنت بصحى و خاصة لما حسيت ان فى شئ ماسكنى جامد وقريت قرأن فى مخى ابتسمت انى قدرت أغلبة بالقرأن ونمت تانى فى ساعتها وطنشت
بس أتذكر ان الموضوع دة محصليش الا لما ببقى لوحدى فى الشقة وانا ليا اتنين زمايلى ومفكرتش اتكلم معاهم في الموضوع دة خاصة انى انا اكتر واحد كنت بقعد لوحدى فى الشقة.

وعلى فكرة بعد الكلام دة وفى نفس الشقة مامتى كانت جاتلى تقعد معايا يومين 3 فى أخر امتحان ليا وحصل موقف معاها هههههههههههههه ومردتش تقللى قال ايه علشان متقلقنيش وأنا طبعا عارف ومن كذا سنة ومردتش اقلهم علشان ميقلقوش عليا واكيد هيقولولى سيب الشقة دى او يقولولى انى اتجننت

اللى حصل بقى ايه انها كانت نايمة فى اوضة تانية غير اللى انا فيها
ولقت فى حد بيقعد على السرير عارفة لما السرير ينزل علشان حد قعد جمبك
هو دة بالظبط وصوت تزييئ السرير و بتقلى محمد!!! وبتبص ملقتش حد
وطبعا لما قالتلى بعد ما خلصت الكلية وبأكتر من سنة ضحكتتتت جدا وقلتلها ايه دا عادى جدا حصللى كتييييييييييير


والله أعلم هو ليه بيتواجدوا فى أماكن معينة وجعين دماغنا ليه؟ ماهو عندهم أماكن كتير وبتحسى انهم مش عايزين حد من البشر يضايقهم مثلا مش عارف ربنا يحمى كل المسلمين و أعوذ بالله من كل شر فى هذة الدنيا


بس بجد تعاملى عادى مع الموضوع و اعتقد أنهم لما بيحسوا أن الكلام دة مش هيفيد معاكى او مش هيخوفك بيبطللوا
اقرأى قرأن بس فى المكان دة كتير بتلاوة وصوت واضح

[أبو يوسف]

سؤال: هل يمكن أن يظهر الجني للإنسان بصورته التي خلقه الله عليها ؟
الجواب: لا يمكن ذلك للبشر العادي؛ فإن الجن أرواح بلا أجساد، فأرواحهم خفيفة يخرقها البصر، قال الله -تعالى- إِنَّهُ يَرَاكُمْ هُوَ وَقَبِيلُهُ مِنْ حَيْثُ لَا تَرَوْنَهُمْ كما أنا لا نرى الملائكة الذين هم معنا يكتبون الأعمال، ولا نرى الشيطان الذي يجري في جسد ابن آدم مجرى الدم، لكن إذا خص الله -تعالى- بعض البشر بخاصية النبوة، فإنه يرى الملك، كما كان النبي -صلى الله عليه وسلم- يرى جبريل إذا نزل عليه، ولا يراه مَن حوله مِن الناس، وأما الكهنة ونحوهم فإن الجني قد يلابس أحدهم ثم يريه بعض أفراد الجن بحيث يقول: جاء الجن إلى فلان، فليس الإنسان هو الذي يراه، وإنما الجني الملابس له هو الذي يراه ويخبر من حوله، والله أعلم .
http://ibn-jebreen.com

[لك عدت]

ــ الحمد لله فى احسن حال وهذا من فضل ربى.

ــ بتقول (شئ شبة البنى ادمين بايدية وراسة وكدة بس نص جسمة جوة الباب والنص التانى مش ظاهر كانه ورا الباب وباب الاوضة بيبقى مقفول طبعا و بيقدر يرمى بايدة شئ او يحرك ايدة بحركة كانة عمال يرمى عليا حاجة(

ونمت !!ما شاء الله ولا قوة الا بالله
هى ذى ما بيقولو ا (مش بتفرق مع الرجاله)
اما انا , اخويا ببقى سمعه خطوته وهو داخل وعرفه انه جاى عليا واول مايتكلم........... اتفزع؟!
انا فعلا مؤمنه بوجود الناس دى بس مستغربه من اذيتهم لينا ! وبعدين انا بخااااااااااااااااااف,ولو مكانك كنت سبت الشقه ليهم يعملوا اللى نفسهم فيه ,اكيد هم صحاب المكان قبلك !
على العموم انا السنه دى هغير المبنى خالص ان شاء الله .
واشكرك على القصه المرعبه؟!
وربنا يعينك على اللى مستقصدك هو دا فعلا اللى يستاهل !لان ده بيتكم انتوا ,وأسمع انهم بيجيبوا بعض!
وربنا يحفظك ويحفظ اسرتك من الشيطان وكيده.

______________________________
_______________________
كلامك أخى ايو يوسف بجد خطير
معناه ان ممكن يكونوا صحباتى فى( جن ملابس لهم)
هما الكل ؟! عارف لو وحده انا كان ممكن اشك فيها.بس مش هما الكل,بس ممكن الجن يخيل للواحد عشان يخوفه , ولا ايه رأيك .

[Mohamed Fouad]

شكرا يا ابو يوسف وشكرا يا لكى عدت

يا لكى عدت فى رجالة كتير بيخافوا من الحاجات دى وكمان لو حكيتى ليهم دة يقلقوا
هو يمكن عدم خوفى انى مش بيهمنى دة لانى عارف ان الله خير حافظ
كمان الموضوع دة من اكتر من 4 سنين ومفيش الحاجات دى خلاص من زمان
وبصى فى مثل بيقولوة اللى بيخاف من العفريت بيطلعلة مع تحفظنا ان مفيش حاجة اسمها عفريت
بس والله خليكى مؤمنة بان ليس لديهم عليكى اى سلطان والله هو خير حافظ وساعتها مش هيهمك اى شئ فى الدنيا ولا هتزعلى على شئ لانك هتبقى مؤمنة انه قدر
طبعا الانسان الطبيعى بيزعل بس المهم انه ميكنش زيادة عن اللزوم يعنى لحظات وبتعدى
و الله تغييرك للمدينة معاكى فى مش علشان شئ لانهم مش هيعملولك شئ طبعا ولكن علشان تبقى مرتاحة نفسيا فى المكان اللى تقعدى فيه وبالتالى تقدرى تذاكرى براحتك وتركزى

ربنا يوفقك ويوفق الجميع ان شاء الله وكل عام وانتم جميعا بخير

[المفوض امره لله]

السلام عليكم ورحمة الله وبركاته , بناتى وابنائى الأعزاء .. شكرا .. من واجب المسلم أن يقوم بتحصين نفسه فى كل الاحوال وأرجو أن يكرر هذا لدعاء : اللهم يلعظيم السلطان ياقديم الاحسان ياكثير الخير ياواسع العطايا ياباسط الرزق ياخفى اللطف يامقوى كل ضعيف يامأمن كل خائف يامأمن كل خائف يامأمن كل خائف يامن لايحتاج الى البيان والتفسير حاجتنا اليك كثيرة وأنت بصير بنا محيط بأفعالنا وأنت عالم بنا ..اللهم انا نخاف منك ونخاف ممن يخاف منك اللهم بحق من يخاف منك نجنا ممن لايخاف منك ,,,,, اللهم نور باليقين والعلم قلوبنا واشغل بالاعتبار فكرنا وقنا شر وساوس الشيطان وأجرنا منه يارحمن يارحيم حتى لايتغلب علينا بجنوده وأعوانه وأعنا عليه بعزك وكرمك وعونك ... ويجب ان نقرأ بعد كل صلاة مكتوبة آية الكرسى 7 مرات أو.عشرة ,,,,,,,,,, تحصين المكان :ذكر الله عند الدخول والتسليم على اهله وقراءة آية الكرسى == ذكر الله عند الطعام والشراب وكثرة تلاوة القرآن == عند الخروج ( بسم الله توكلت على الله ولا حول ولا قوة الا بالله , أعوذ بالله العظيم ونوجهه الكريم وسلطانه القديم من الشيطان الرجيم === ( يستحسن كثرة الآذان فى المكان وخاصة العشاء والفجر فان الآذان يطرد الشيطان من المكان = النوم على وضوء ويستحسن ان يكون الانسان دائما على وضوء ... اليقين دائما بأن ( الشيطان ) ليس له,,, على الانسان المؤمن القوى العقيدة الطاهر الذاكر لله المتحصن بكلامه ,,,( سلطان ),, ليس له سلطان ,, ليس له سلطان ... ليس له سلطان ... ابنتى لك عدت لا تتركى المدينة الجامعية فان فى خارجها الكثير من المشاكل التى ستقابلك فأنت بها تقضين وقتك ومذاكرتك بين زميلاتك اما بالخارج فلن تأمن أذنك من سماع الالفاظ التى تابى ان تسمعها كما انك لن تختارى جيرانك وأظن أن زميلاتك احسن بكثير فلا تخافى واثبتى وتثبتى وربنا معاكم جمبعا ..نسيت شىء مهم الا وهو اللى يخاف م العفريت يطلعله ( على فكرة العفاريت كانت زمان قبل هذه الضوضاء والهيصة ده احنا مش سايبين لهم مكان )... ارجو ايضا قراءة آية الكرسى فى أركان الحجرة جميعها يوميا وبانتطام .. عافاكم الله من أى سوء وحفظكم

[لك عدت]

جزاكم الله جميعا كل الخير
انا لن اترك المدينه ولكن لقد غيرت المبنى, تركت (ج ) مشهور باللارواح وسجلت فى (ب ) مشهور بالقطط والفئران (بسيطه بسيطه )
لدينا فى المدينه سبع مبانى
السيده خديجه (أ ) السيده عائشه (ب ) السيده فاطمه (د ) السيده زينب (ج ) السيده اسماء (هـ ) مبنى (و) مش فكره اسمه والسيده رقيه (ز).

والحمد لله.
وجزاكم الله خيرا

[المفوض امره لله]

ألا بذكر الله تطمئن القلوب ؟؟؟؟
اللهم احفظنا من كل شيطان مريد
اللهم احفظ أمة الاسلام من كل سوء ومن الشيطان وهمزه ونفثه ونفخه
هيا نذكر الله لتطمئن قلوبنا