هو الاساس ان المضد الحيوي ملوش دور فى علاج الفيروسات زى ما قلنا ,بس اللى بيحصل (أحيانا ) ان الفيروسات بتضعف الجسم ,فالبكتيريا بتلاقى فرصه كويسه (تنتهز الفرصه ) وتهاجم الجسم
(حاجه اسمها secondary bacterial infection= عدوى جرثومية ثانوية),
فبالتالى ضرورى ان الطبيب يكتب مضد حيوي (كده ليه فايده).

 اللى بيحصل فى الكحه ,ان فيرس(الانفلوانزا ) اصلا بيهاجم خلايا الجهاز التنفسى ,فبيدافع عن نفسه بتكون البلغم والكحه كرد فعل انعكاسى عشان يطرد الجسم الغريب .
بس السؤال بقى دا كان فيرس بس ولا معاه بكتريا ؟!

 الدكتور هيسألك ,عندك كحه ,هتقول ,ايوه ,
 هيسالك ببلغم ولا جافه ,هتقول ببلغم ,
 هيسألك لونه ابيض ,اصفر ,أخضر ,(هو دا بقى السؤال اللى هيدي له فكره شويه اذا كان فيرس بس (مش محتاج مضد حيوي )ولا معاه بكتريا (محتاج مضاد حيوى )وشويه اسئله كمان (مش عايزه أطول عليكم )
 يعنى مش المضد الحيوى ,للكحه ككحه ؟

فى اطباء تقول ,وانا أضمن منين أكتبه للأحتياط ,بس دا مش صح ,لأن العيان بعد كدا (لما يحتاج للمضاد الحيوي بجد )
مش هيستجيب للعلاج .

فى الاماكن المحترمه (بره مش هنا ) ميديش مضد حيوي الا بعد ما يعمل مزرعه شئ مكلف تلت شويات.

 فى ناس بقى لو الطبيب مكتبش ليهم مضد حيوى مع نزله البرد العاديه ,يبقى هو كدا بيرتكب جريمه فى حقهم زى مرضى الجهاز التنفسى المزمنين,وضعاف المناعه لأى سبب ,........اللى معروف انه هتقلب معاه, عشان كده المفروض المفروض (مش عندنا بردوا )العيان يتسمع كويس.للأسف بعلمونا كلام ولما تقف معاهم فى العياده تلاقى كلام تانى خالص

بس خدوا بالكم احنا بنتكلم فى حالات استثنائيه.

وتبقى القاعده الاساسيه ,ان المضاد الحيوى للبكتيريا ,وليس للفيرس.

معذره ع الاطاله