كيف عرفت طريق الله - أكتب لتعم الفائده

[لك عدت]

قصتى انا واكتبها بعد تردد شديد
""""""""""""""""""""""""""
بعتبر التزامى جه على محطات
زى حال ناس كتير .......تكون بتعمل حاجه غلط تبطل شويه وشويه ترجع وترجع تانى تبطل ........الخ
كنت ديما اقول لصحبتى ..(احنا مش نافعين دنيا ولا نافعين اخره - لا الى هؤلاء ولا الى هؤلاء)

المهم .........
بعتبر أهم حدث فى حياتى هو ان ربنا من على بحفظ كتابه كاملا فى خلال عامين (دا لوحده ليه قصه )

((إِنَّ هَذَا الْقُرْآنَ يِهْدِي لِلَّتِي هِيَ أَقْوَمُ ))

على اساسه حسنت لبسى عشان يليق بواحده رايحه تحفظ قران فى دار تحفيظ (شيخى اصلا كان لا يسمح بالتهاون فى اللبس ) وبعدين استمريت عليه من اخر الثانوى وسنين الجامعه
وكان اكبر مشكله فى حياتى .....(سماع الاغانى )......وبطلت فتره حفظ القران عشان شيخى كان ديما يقولى (لايجتمعان كلام الرحمن ومزمار الشيطان فى قلب انسان )
حالى اتصلح خالص واثرت فى برنامج(هذا دينا ) للدكتور عمر عبد الكافى
وكمان الدين القيم والوعد الحق
انابحب الدكتور عمرعبدالكافى (ان صح التعبير )

المهم سافر شيخى (بعد ما كملت المصحف )...ورحت دار تحفيظ تانيه
دخلت الجامعه .....اهملت المراجعه ....ورجعت تانى للاغانى والافلام ....واللبس بقى فى تهاون شويه

بس الحمد لله كنت ديما مش راضيه عن حالى وعندى حياء من الله اللى من على بحفظ القران

"""""""""
اخر سنين الضياع دى كانت اجازه تالته جامعه ...
اخدت قرار انى مأشغلش اغيه بأيدى ...(واكتشفت ان قمه الاستهبال انك تكون عايز تبطل سماع اغانى وانت على موبيلك اغانى اوعلى الاب اغانى او افلام )
واحاول لو فى فلم شغال اشوفلى شغلانه فى البيت ....او اقعد ع النت ...وكنت هلبس النقاب بس ربنا ما اردش وقتها لكن فضلت الفكره تراودنى الى ان تم مؤخرا بفضل الله
واشتركت هنا فى اسلام 2يو كصحبه صالحه وهروب من التلقزيون واللى فيه ....
بس.
والحمد الله