لماذا الاسلام لك؟؟؟

[Mohamed Fouad]

السلام عليكم ورحمة الله وبركاته
عزيزتى واختى فى الله ساقول لكى رأيى وبالعامية

فى ظل ضغط الحياة و انشغال اغلبنا بالامور اليومية من عمل وخلافة فلا ملاذ لنا الا اننا نطمع فى ثواب ورضا الله عنا
لهذا كان السبب فى وجودى هنا فى المنتدى و هقلك قصتى مع المنتدى.
بدأت فكرة انشاء المنتدى بالجهود الذاتية الكاملة وتطوع فى هذا اخى العزيز أبو يوسف جزاه الله كل خير واثابه على هذا التطوع و هذا المنتدى هو ابنة الصغير الافتراضى الذى تبناه ويحبه لانه يطمع كما كلنا نطمع فى الثواب من الله ونشر الخير و نشر الإسلام سواء للمسلمين المنشغلين عن امور الدين أو ممن سيختارهم الله من غير المسلمين ليهتدوا بين ذراعين المنتدى او ممن سيستبدلهم الله ويدخلوا فى الاسلام ولذلك كان اختيارنا لاسم المنتدى
الإسلام لك "Islam2you"
ولقد تكاتفت القوى مع اكثر من شخص محاولين وجاهدين أن يضعوا بصمتهم فى المنتدى بأى شئ ممكن أيضا طمعا فى رضا الله ولكى تصبح صدقة جارية حتى بعد وصولنا بين يدى الله سبحانه وتعالى فتخيلى أختى كم شخص سيقرأ كلمة طيبة انتى كتبتيها او شاركتى فيها؟ كل فرد يقرأ هذه الكلمة الطيبة التى تنظف وتطهر القلب من سواد أدخل فيها عنوة بسبب ما نراه هذة الايام فى الحياة و انشغالنا بها
انا نسيت انى هتكلم بالعامية
طيب انا اود ان اشكر كل من ساهم فى نشر الموقع و كل من اجتهد لوضع مواضيع ومراجعتها وعايز اؤكد ان ابو يوسف والمشرفين والاعضاء بيبذلوا قصارى جهدهم فى التأكد من كل كلمة تكتب فى الموقع و مراجعتها حتى لا يضل احد باحاديث غير صحيحة او مغلوطة او ضعيفة وهذا شئ مرهق ولكن كل الناس خدوا الموضوع دة على اكتافهم بنيه صافيه .

اختيارى للاسلام لك ساتركه لكل الاعضاء يقولوا ليه لان الحمد لله اكرمنى الله ان اكون جمبا الى جنب لاحضر وأساعد فى نشأة وولادة هذا المنتدى الكريم وزى ما قلتلك من قبل كله لوجه الله وطمعا فى الأجر ان شاء الله.

اما بالنسبة لموضوع عدم مشاركة بعض المشتركين وعدم الرد على بعض المواضيع هقلك حاضر
اولا الموقع عمرة حوالى الشهريين او اكثر يعنى يعتبر لسه جديد على عالم الانترنت وبالرغم من دة فانتشر سريعا عبر الانترنت وفى جوجل كما ذكرتى وهذا من فضل الله وبعده بفضل مشاركات الاعضاء فيه.

هذا الوضع طبيعى جدا هقلك ليه لان سبحان الله الناس بنسبة 10 % منهم فقط هم من يحبوا ان يشاركوا ويبدوا بارائهم والباقى يرى ويقرأ وياخد اللى بيدور عليه ويستفاد منه بس ومعندهوش ثقافة انه يفيد الناس بكلمته او بموضوعه زى ما بيستفاد بس اقلك على خبرتى القليلة .
الناس اللى بتستفاد دى فقط لا غير وبتقرأ مواضيع المنتدى فقط بتيجى فى يوم تحس بفضل المنتدى ومواضعيه عليه وبيفهم ثقافة المشاركة بالمواضيع وبيتدى يتحرك جواة هذا الحب و يشارك وينشر المواضيع فالموضوع بيبقى موضوع وقت واحنا وظيفتنا اننا بنجتهد وبنشارك وبنضع مواضيع تفيد الناس و ترشدهم للطريق الصحيح وكل ما بيبكبر عدد المشاركين فى المنتدى كل ما بتلاقى من ضمن كام واحد بيبقى فى واحد عنده هذه الملكة وهى حب المشاركة ومساعدة الناس وارشادهم .

ليه انا بقول الكلام دا وواثق منه ؟
لان الحمد لله انا اكرمنى الله ان املك وادير منتدى اخر ولكنه موقع تقنى خاص بالمهندسين فيه منتديات خاصة باقسام هندسة و منتديات عديدة خاصة بمجال الاى تى و الشبكات و البرمجة والجرافيك و البرامج والهاردويير وغيرة
المنتدى اسمة ايجى انج http://EgyEng.com
او Egypt Engineers - مهندسى مصر
المنتدى دة عمرة حوالى سنتين ونصف و احنا بردة شفنا كل الظروف دى وشفنا عدم مشاركة الكثير الكثير من الاعضاء والكل بيدخل ياخد اللى عايزه ويمشى و قليل جدا حتى لما بنشوف حد بيقول كلمة شكر دا كان فى بداية انشاء المنتدى والحمد لله اجتهدت و بعض الاصدقاء الكرام ربنا يجازيهم خير اننا ننشر المنتدى فى الانترنت وابتدى يكبر المنتدى شوية شوية و بتيجى بردة اوقات ونحس ان الناس بتشارك واوقات تانية الناس مش بتشارك وهكذا لغاية ما دلوقتى الحمد لله المنتدى له شهرة معقولة بعد مرحلة الانتشار و ناس كتير بقت بتشارك وبقى عندنا مشرفين كتير ربنا يجازيهم خير وربما الوضع مختلف لان مش كل الناس على المنتدى التقنى بيبقى عندها المعلومة انها تشارك او مش كتير عندة العلم يعنى الموضوع كان اصعب بس كتير كان بيتعلم من المنتدى ومن مواضيعة وفى ناس اصبحت تشارك بشكل رئيسى من الناس دى وناس طول عمرها كانت بتسئل بس دلوقتى بقت هى اللى بتشرح للناس هى دى الحياة والمنتديات زى الطفل كل ما بتهتمى بيها وبيمر الزمن بيها كل ما بتكبر و بتلاقى اهتمام من الجميع.

واعتقد ان فرصتنا فى الاسلام لك اكبر للانتشار لاننا نخاطب كل المسلمين وايضا غير المسلمين فهذا عدد كبير جدا من الناس وان شاء الله قريبا سنرى هذا المنتدى من اكبر المنتديات انتشارا لانى اؤمن ان هدفنا هو اعلاء كلمه الله بالموعظة الحسنة و بالاعتدال فى حياتنا وخاصة ان المنتدى يعمل بالجهود الذاتية و باناس عاديين لا يهمهم الا ان يدعوا الى الله و يدعوا الناس الى التقرب والاتحاد.

ان شاء الله يفضل دائما الاسلام لك هو منارتنا و مكاننا لتصفيه النفس و تكن دعوتنا الى الله هى مهمتنا دائما وشكرا اختى الكريمة على مشاركتك الطيبة دى.